તાજેતરના ફરમાનમાં તાલિબાન સરકારે ફોટા લેવા પર પ્રતિબંધ લગાવ્યો : નિયમોનું ઉલ્લંઘન થશે તો શરિયત કાયદા હેઠળ સજા કરવાના આદેશ ...
- 24 Feb, 2024
અફઘાનિસ્તાનમાં છેલ્લા ત્રણ વર્ષથી તાલિબાનનું શાસન છે. સત્તા સંભાળ્યા બાદ તાલિબાને અફઘાનિસ્તાનના લોકો પર ઘણા નિયંત્રણો લાદી દીધા છે. તાલિબાન હંમેશા તેની ભયાનક સજાઓને કારણે મીડિયાની હેડલાઇન્સમાં રહે છે. તાલિબાનની ભયાનક સજાઓ અને દરરોજ જારી કરવામાં આવતા નવા આદેશોને કારણે ત્યાંના લોકો ભયભીત છે. નવો આદેશ ક્યારે આવશે અને કયા પર પ્રતિબંધ મૂકવામાં આવશે તે કોઈને ખબર નથી.
તાજેતરમાં તાલિબાન સરકારે એક નવું ફરમાન બહાર પાડ્યું છે. આ ફરમાન મુજબ તાલિબાને ફોટા કે વીડિયો લેવા પર પ્રતિબંધ લગાવી દીધો છે. જેનો સ્પષ્ટ અર્થ છે કે હવે અફઘાનિસ્તાનના લોકો કોઈના ફોટા કે વીડિયો લઈ શકશે નહીં. જો ત્યાંના લોકો આ નિયમોનું ઉલ્લંઘન કરશે તો તેમને શરિયત કાયદા હેઠળ સજા કરવામાં આવશે અને તાલિબાન શાસકો દ્વારા તેમને જેલમાં મોકલવામાં આવશે.
તાલિબાન શાસકો સોશિયલ મીડિયા પર પણ ચાંપતી નજર રાખશે. જો કોઈ વ્યક્તિ પ્રતિબંધનો ભંગ કરતા પકડાશે તો તેને સજા કરવામાં આવશે. તાલિબાને પોતાના ફરમાનમાં સ્પષ્ટ લખ્યું છે કે તાલિબાનના અધિકારીઓ તમામ ગતિવિધિઓ પર નજર રાખશે. જો કોઈ વ્યક્તિ સોશિયલ મીડિયા પર પણ તસવીર અપલોડ કરતા પકડાશે તો તેને તાલિબાન અધિકારીઓ જેલમાં મોકલશે અને શરિયત કાયદા મુજબ સજા કરશે.
પોતાની સજા માટે કુખ્યાત તાલિબાને બે દિવસ પહેલા સ્ટેડિયમમાં બે લોકોને જાહેરમાં મોતની સજા ફટકારી હતી. સમાચાર એજન્સી એસોસિએટેડ પ્રેસના સંવાદદાતા સહિત હજારો લોકોની હાજરીમાં બે લોકોને જાહેરમાં ગોળી મારીને મોતની સજા આપવામાં આવી હતી. સ્ટેડિયમમાં એક વ્યક્તિને આઠ અને બીજાને સાત વખત ગોળી વાગી હતી. જે બાદ બંને મૃતદેહોને એમ્બ્યુલન્સ દ્વારા મોકલવામાં આવ્યા હતા. અગાઉના તાલિબાન શાસન દરમિયાન પણ ઘણા લોકોને જાહેરમાં કોરડા મારવામાં આવ્યા હતા અને પથ્થરમારો કરવામાં આવ્યો હતો.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ